الطير الحر

كويتية حتى النخاع .. صريحة لأبعد الحدود

Thursday, July 27, 2006

لماذا ؟

ليش مستوصفاتنا ومستشفياتنا تييب المرض ؟

ليش الناس تقط الوصخ - وانتوا الكرامة - عالأرض والزبالة قريبة ؟

ليش الناس تحسد بعضها !؟ وتحس إن ما عندها شي وإهيا الله مغنيها ووايد أحسن من غيرها !؟

ليش جامعة الكويت تنحش الطلبة وكل شي سهل تسويه تصعبه !؟

ليش الناس تحترم الشخص اللي يملك سيارة كشخه وتستهزيء باللي سيارته عادية !؟

ليش البنات صايرين وايد مهتمين بالماركات ولي شافوا الواحدة فصلوا الشي اللي لابسته واللي ماسكته !؟

ليش الانترنت صاير حده بطيء !! وليش الخدمة ناخذها من الإمارات مو مباشرة من صاحبها !؟

ليش الناس صايره كله تتحلطم !!؟

ليش ماحد عاجبته عيشته !؟

ليش ماحد يقدر ينتقد الخرافي بالجرايد !؟ وليش بس شركته اللي محتكره الورق في الشرق الأوسط !؟

ليش شوارعنا كلها حفر واهيا يديده !؟

ليش الخريجين مو قاعدين يتوظفون !؟

ليش الماي للحين قاعد ينقطع عن بعض المناطق!؟

ليش لمن ندق على 101 ماحد يرد !؟

ليش لمن ندق على 777 هم ماحد يرد !؟

ليش تلفزيون الكويت لوعة !؟

وليش كويتنا كل مالها تردى!؟ وباجي الخليج صاروا يستقطبون السياح !؟

ليش الكويتيين ما يعجبهم العجب !؟





12 Comments:

  • At 2:47 AM, Blogger الطير الحر said…

    Hello mash'hoor
    i am calm :)
    but i wish kuwait the best ..!
    i know no one is perfect ! but some places are perfect .. like Dubai ! and let's not talk about Dubai !
    ما أقول إلا الحمد الله على كل حال .. وإن شاء الله نتطور للأحسن
    يا رب

     
  • At 1:02 PM, Anonymous Anonymous said…

    مساء الخير شكرا لزيارتك بوصالح و تفضلي زوري موقعنا الآخر
    http://q8davinci.com/

    عزيزتي كلامك جميل و حمدلله على جميع الأحوال هو الجواب علي كل ما ذكر في كلامك ، الحقيقة المرة دائما ان كل شيء هو من فعلنا نحن الناس البشر اللى دائما يطبقون المثل القائل:-
    الكل يري العشب اكثر اخضرارا علي الضفة الأخري من الشاطئ

    المقصد اننا نستطيع فعل كل شيء جميل ان اردنا و لكن اتكالية الكثير وعدم احترامهم للآخرين الذين يستخدمون المرافق العامة او الخدمات هي التي تجعل القوم قوم ماكاري يعني موشغلي او يبون الآخرين يلتزمون و هم لا يكترثون.
    الله يهدي الجميع

    تحياتي
    دافنشي

     
  • At 3:47 PM, Blogger الطير الحر said…

    الأخ دافنشي :
    أشكرك على المرور... أتفق مع كلامك .. والله الهادي إن شاء الله

     
  • At 5:11 PM, Blogger sOulvOice said…

    ملاحظات بمحلها

    لي عودة انشالله

     
  • At 10:09 PM, Blogger الطير الحر said…

    This comment has been removed by a blog administrator.

     
  • At 10:16 PM, Blogger الطير الحر said…

    misso الأخت العزيزة
    حياج الله بأي وقت

     
  • At 12:37 AM, Blogger sOulvOice said…

    "ليش الناس تقط الوصخ - وانتوا الكرامة - عالأرض والزبالة قريبة "


    امس تحديدا كنت بالاشارة السيارة جدام اللي يمي نزل جامته قط كلينكسه وكمل طريجه

    كان عندي استعداد اقوله اخوي حطلك جيس بسيارتك ,,ماعندك جيس خل الكلينكس بالطفاية ولااي مكان بالسيارة لين توصل اقرب زبالة "امكرم السامع"

    بس خفت يكون من نوعية"حرية شخصية"
    قلت ماتسوى علي الدقرة بس انا اقول هالشغلات البسيطة الواحد يتعلمها في بيتهم من الصغر


    "ليش جامعة الكويت تنحش الطلبة وكل شي سهل تسويه تصعبه !؟"


    اول مرة اشوف ديرة ماتبي عيالها مثقفين وجامعيين,,سياسة تطفيش لان الاعداد المتقدمين كبيرة شلون شنسوي خل نرفع النسب وانصعب شروط التحويل ونفتك منهم بس الحمدلله الله فكنا من منتهم وافتحو جامعات خاصة حتى المتخلف قادر يتخرج منها بفلوسه



    "ليش الناس صايره كله تتحلطم !!؟"

    لان مابيدنا الا الحجي




    قلبج مترووسة ;p

    ns post:)

     
  • At 2:09 AM, Blogger الكويتي الحر said…

    اولا مبروك على المدونة

    ثانيا وايد (ليشات) في بوستك مادري وين نبتدي ووين ننتهي بس فعلا اسئلة منطقية

    ثالثا عاشوا الاحرار الكويتي والطير
    :)

     
  • At 3:26 PM, Blogger الطير الحر said…

    soulvoice-misso :
    أتفق معاج بالنسبة لعامل التربية
    وأنا أشوف دايما اللي يفتحون الدريشة ويشوحون بالشارع .. في البداية كنت أدق هرن يعني استحوا عيب
    و مرات أترك !! لكن بطلت لمن واحد واحنا واقفين بالإشارة طلع لي من السيارة وحاول يفتح بابي !؟
    بالنسبة لجامعة الكويت .. آنا خريجة كلية الحقوق .. لكن أكلت الضيم من الارشاد والتسجيل والدكاترة!وحاليا قاعدة أدرس دراسات عليا فيها و هم التسجيل موكلينا تبن !! بالروتين والتسجيل !!؟
    قلبي متروس !!؟
    أبشرج هذا غيض من فيض .. يعني في أجزاء ثانية من ليش ;)
    الأخ : الكويتي الحر
    أولا : الله يبارك فيك
    ثانيا :ترقبوا الجزء الثاني من لماذا
    ثالثا : عاش من قال
    شكرا للمرور

     
  • At 7:31 AM, Blogger Kuwaiti said…

    انا اقولج ليش
    للأن احنا في اخر الزمان

     
  • At 8:11 AM, Blogger sOulvOice said…

    هههههههه عيل لو اقولج قصتي مع جامعة الكويت اكسر خاطرج



    خليها على الله :)

     
  • At 1:14 PM, Blogger الطير الحر said…

    kuwaiti:
    إن شاء الله آخر الزمان !! كلنا مع أهلنا مرة واحدة !! ولا أحد يموت قبلك ويحرك ! ولا تحاتي عيالك من عقبك !؟
    soulvoice-misso :
    آنا متأكدة إن كل واحد دخل جامعة الكويت تأذى !

     

Post a Comment

<< Home