مذكرات هلتونيه

المشهد الأول


ذهبنا أنا وأطفالي والوالدة وابن اختي -عطيت زوجي أجازة منا -إلى هيلتون

المنقف يوم الأربعاء .... وصلنا الساعة الثالثة والنصف . ذهبت لأعمل

check in ....

ماشاء الله طابورين ناس ناطرين وكل طابور فيه 3 .... المهم ..قبل لا

يصير دوري وإلا كويتي يطوف الدور ويأتي من الجنب ويرز عمره

طبعا الأفاضل في الاستقبال ما قالوله شيء وخلصوله شغله ...

وآنا احترق !! ... المهم صار دوري .. وإلا ثاني بعد ياي من

على جنب وهم خلصوله شغله !!!!!!!!

الزبدة : بعض الكويتيين يبطون الجبد !!! ؟


المشهد الثاني


الساعة الخامسة أخذت اليهال إلى البحر ... وهالني ما رأيت .. بنات كويتيات ..

لابسين bekkini & hot shorts

ويتمخطرون رادين من البحر !! هذا غير اللي كانوا للحين عاليال ويدخنون !؟

الزبدة : أدري إنها حرية شخصية .. بس احتريت !!؟


المشهد الثالث

في ستاربكس .. الساعة 3 .... واضح المواعد ...!

الزبدة : صحيح اللي اختشوا ماتوا !!


المشهد الرابع

وقت الريوق ... بالمطعم مجاني .. إلى الساعة 11

ومن الساعة 10 إلى 11 تلقى الناس تتخانق عالأماكن

وما يبقى أحد مو ساكن بالأوتيل والشاليهات ماتشوفه

الزبدة : الشي اللي ببلاش ما ينعاف

المشهد الأخير

تعبت صراحة ... من المشاهد .. وأدري تعبتكم معاي .. المهم

وقت elcheck out

كان دوري واكتشفت إن ال3 شركات مالوت نفط الكويت

عندهم عرض خاص .. الغرفة اللي ب96 د.ك الليلة

تصير لهم على 25 دينار .. وشركة على 35 .. وشركة على 45

الزبدة : باشتغل في احدى هالشركات أوفر لي


ملاحظة : لاحظت إن الفرش والفوط اللي كانت من ماركة فريتي

المعروفة ... صارت ماركة الربيع !!!؟

الزبدة : أعتقد إن السبب معروف